Nalebar lyrics

Em her du di rojekê de hatin dinê.

Tu li koşkê

Li ser doşeka ji periyê çivîkan

Û...

Bi gulavê şûştibûn.

Ez li çolê

Ser berfê

Bi ava sar...

Em her du di rojekê de giriyan

Tu ji şadî...

Lê ez ji xem û bedbînî.

Te kamranî mêtibû

Lê...

Min perîşanî...Xizanî...

Rojekê emê her du bimirin

Wê tirba te ji mermer

Bi kulîlk û beybûnên

Spi, sor û zer...

Bi pey te de şîn...

Lê tirba min nenas,

Winda...

Bi pey min de bêdengî...

Kincên min.

Çavên diya min bi xwîn...

Ma wê ev nalebarî ta kengî bidome?

Dawiya çîrokê de

Rastiyek heye keça delal!

Rojek wê bê...

Roja rabûna giştî

Li pêşberî Dadgerê Dadmend

Tu dê deyndar...

Bêmaf ...

Stûxwar...

Û...

Destên min li pêsîra te

Mafdar,

Dozvanê mafê xwe,

Xwîna çavên dayîka xwe...

Bextawar...

• Artist:Bro Omerî