Nû wil ich mich des scharpfen sanges ouch genieten lyrics

Nû wil ich mich des scharpfen sanges ouch genieten

dâ ich ie mit vorhten bat dâ wil ich nû gebieten

ich sihe wol daz man hêrren guot und wîbes gruoz

gewalteklîch und ungezogenlîch erwerben muoz

singe ich mînen höveschen sanc sô klagent siz stollen

dêswâr ich gewinne ouch lîhte knollen

sît si die schalkheit wellen ich gemache in vollen kragen

ze oesterrîch lernde ich singen unde sagen

dâ wil ich mich alrêrst beklagen

vinde ich an liupolt höveschen trôst sô ist mir mîn muot

entswollen.

• Artist:Walther von der Vogelweide