Muslim Magomayev - Əziz Ana

Əziz ana, şirin sözlü ana,

Qəlbin kövrək, eşqin solmaz bahar.

Gülər üzlü, qara gözlü ana,

Hara getsəm gözün mənə baxar.

Ana qəlbin laylay olar gəzər,

Doğma səsin ömrü-günü bəzər.

Laylay dedin, anam, laylay dedin mənə,

Həyat verdin mənə, əziz ana.

Laylan hələ yaşar,

Laylan ellər aşar,

Günəş kimi yana-yana, ana.

Ana, səsin aydın səhər olar,

Ana, qəlbin keşik çəkər bizə,

Yolum üstə uzaq səfər olar,

İşıq olar nurdan düşən gözə.

Mənim görən gözümsən sən, ana,

Ömrüm-günüm, özümsən sən, ana.

Laylay dedin, anam, laylay dedin mənə,

Həyat verdin mənə, əziz anam.

Laylan hələ yaşar, laylan ellər aşar,

Günəş kimi yana-yana, anam

• Artist:Muslim Magomayev