Me so' sunnato lyrics

Me so’ sunnato ch’èro nu pittóre,

(ah, dint’o suónno l’ ha vuluto Dio!)

e cu ’e mèglie culure de l’ammóre

io te pittavo dint’o còre mio.

Pe vócca te facévo nu caròfano

russo schiavóne, ’o mèglio ca nce sta’;

po dòppo me fermavo; e cuntemplànnote

penzavo: È bèlla, ca se po pittà!

E stu suónno durava! E tu venive

bèlla, cchiù bèlla ca ’o pensiéro dice;

e me guardave... e pare ca redive

vedènnote stu còe pe curnice!

E chisto còre, ca te déva ’e pàlpete,

cómme t’e ddà, dànnome ’a vita a mme,

me facéa quase ’mmaggenà, pittànnote,

ch' io te crïasse, a ppòco a ppóco, a tte!

• Artist:Ferdinando Russo
• Album:Sinfonie d’amore