Masters of War [Venetan translation]

Vegnì, siori dea guera

Voaltri che faxì tuti i s'ciopi

Voaltri che faxì i reoplani dea morte

Voaltri che faxì e grose bombe

Voaltri che ve scondé dadrìo i muri

Voaltri che ve scondé dadrìo e toe

Go solche da dirve

Che so bon de vedarve, dadrìo e vostre mascare

No gavì mai fato gnente altro

Che metar su e butar xó

Voaltri soghé col me mondo

Come se 'l fuse un sogheto

Me metì un s'ciopo in man

E ve scondé dai me oci

E ve volté e scampé via

Co' i baini i taca voear

Come Giuda, chea volta,

Coe busìe me ciavé

A gran guera se vinse,

e voì che ghe creda!

Ma mi veo inte' i vostri oci

E veo inte' e vostre teste

Come che veo inte' l'acqua

Che a va xó pa'l secer.

Voaltri cariché i s'ciopi

E chealtri ga da sparar

Dopo ve senté e vardé

Co' l conto dea morte el crese

Ve sconde inte' e vostre ville

Mentre che el sange dei xovani

Core via dai 'so corpi

E 'l xé cuerto dal paltan.

Voaltri gavì semenà a pexo paura

Che se posa mai dar

A paura de metar

Al mondo i putei

Par far paura al me ceo

Che 'l ga 'ncora da nasar, e no 'l ga nome

Voaltri no vaì gnanca

El sangue che gavì inte' e vene.

Cosa ghi'n sòi mi

Pa' parlar co' no me toca?

Podì dirme che só xovane

Podì dirme che só 'gnorante

Ma ghe xé na roba che so

Anca se só pì xovane de voaltri

Gnanca Cristo no'l perdonarìa

Mai queo che faxì.

'asì che domande 'na roba soea

I vostri schei ghea farà

A comprarve al perdono?

Pensì sul serio che sia cusì?

Mi penso che scopriré

Co' a morte se ciaparà 'l suo

Che tuti i schei che gavì fato

No' i comprarà indrìo a vostra anima.

E mi spero che morì

E chea vostre morte a vegna presto

Mi seguirò a vostra casa

Dopo meodì, co' chea luxe trista,

E vardarò mentre i ve mete xó

Nel vostro leto de morte

E starò là, in pìe, sua vostra tomba,

finche no sarò sicuro che si morti.

• Artist:Bob Dylan
• Album:The Freewheelin' Bob Dylan (1963)