Мае хмарачкі, мае цёмныя [Maje chmarački, maje ciomnyja] [IPA translation]

Мае хмарачкі, мае цёмныя,

Разыйдзіцеся рузна.

Ты не сварыся, мая мамачка,

Што я гуляю позна.

А хоць сварыся, а хоць не сварыся,

Мяне ж ты не навучыш.

Было навучаць, было разлучаць,

Як я была маленька,

А цяпер ужо, мая мамачка,

Разлучаць мяне позна.

Мяне, маладу, пашлюць па ваду,

Самі сядуць вячэраць –

Гара высока, вада далёка–

Не скора сувярнуся.

Прынёсшы вады – для сябе бяды,

Кожнаму піць падаці,

Як і старому, так і малому,

І свайму маладому.

А піць падаўшы, пасцель паслаўшы,

Сама сяду вячэраць:

Лыжачка ў раток, слёзачка ў платок –

Вось і мая вячэра.

• Artist:Belarusian Folk