La guerra di Piero [Venetan translation]

Ti dormi soterà so un campo de formento

No ghe xe ea rosa, no ghe xe el tuipàn

A farte ea végia da l'ombra dei fossi

Ma ghe xe mìe papavari rossi.

"Xo pae rive del me torente,

vògio che vegna i lussi d'argento,

no i cadavari dei miitari,

portài xo daea corente."

Ti dixevi cussì e géra d'inverno,

e come chealtri, a l'inferno

ti va tristo come chi che deve;

El vento te spua sol muso ea neve.

Férmite Piero, férmite dèsso;

Assa che el vento te passa un fià dòsso,

Dei morti in batalia ti porti ea voxe

Chi ga dà ea vita ga avesto in cambio na croxe.1

Ma ti no ti o gà sentìo e el tempo scampava

Coe stagión al passo de a Giava,

e ti xe rivà a passar ea frontiera

Un bel dì de primavera.

E fin che ti marciavi co l'anema soe spae

Ti ga visto un òmo xo a vae,

Che gaveva el stesso umor tuo,

Ma ea divisa de n'altro coeor.

Spàrighe, Piero, spàrighe dèsso,

e dopo un sparo, spàrighe da nòvo,

Fin che no ti o vedi morto

cascar in tèra in mèxo al so sangue.

"e se ti ghe sparo in testa o sol cuor,

el gavarà soeo el tempo par morir,

ma a mi me restarà el tempo par veder,

Veder i òci de un òmo che mòre."

E mentre ti ghe fa sta cortesia

Queo el se gira, te vede e ga paura,

E imbrassada l'artiglieria

no'l te ricambia ea cortesia.

Ti xe cascà in tèrasensa un lamento,

E ti ga capìo so un momento

Che el tempo no te sarìa bastà

Pa domandar scusa pa tuti i pecài.

Ti xe cascà in tèra sensa un lamento,

E ti ga capìo so un momento

Che ea vita tua ea finiva chel dì

E no ti saréssi tornà mai pì.

"Nineta mia, morir de magio,

Ghe vól tanto, massa coragio

Nineta bèa, drito in inferno

gavarìa preferìo 'ndarghe in inverno."

E fi che el formento te stava a scoltàr,

Fra 'e man ti strenxevi el fusìe,

E soea boca ti strenxevi paròe

Massa gèide par desfarse al soe.

Ti dormi soterà so un campo de formento

No ghe xe ea rosa, no ghe xe el tuipàn

A farte ea végia da l'ombra dei fossi

Ma ghe xe mìe papavari rossi.

1. A quei che moriva in guèra i ghe dava 'na croxe al merito. https://it.m.wikipedia.org/wiki/Croce_al_merito_di_guerra

• Artist:Fabrizio De André
• Album:La guerra di Piero/La ballata dell’eroe (1964)