[ له‌ درزی په‌چه‌وه‌ [جادە چۆڵ و سێبەر بوو [Jada chol u sebar bu] [Transliteration]

جاده‌ چۆڵ و سێبه‌ر بوو، کات به‌یانی

ئه‌ڕۆیشتم خه‌یاڵاوی ئه‌مڕوانی

بۆ سه‌وزایی ده‌ور و پشتم، بۆ ئاسمان

بۆ شاخی به‌رز ، خانووی تازه‌ دنیای جوان

ئه‌ڕۆیشتم به‌ ئه‌سپایی کش و مات

لاشه‌ سست و دڵ که‌یلی تاسه‌ و ئاوات

له‌ پڕ، نازانم چۆن سه‌رم هه‌ڵبڕی

به‌رامبه‌رم به‌ژنێک ده‌رکه‌وت،وه‌ک په‌ری

له‌گه‌ڵ ئه‌وه‌ی له‌ عه‌باوه‌ ئاڵا بوو

له‌ دیمه‌نی، شیرینی ئاشکرا بوو

باڵا به‌رز و ، بچكۆله‌ پێ و ئیسكارپین

گۆره‌وی و پووز : سفت و سپی و ئاوریشمین

ئه‌ڕۆیم و دزه‌ی نیگام جار جارێ

له‌ ژێر عه‌بای ڕه‌شا ئه‌یدی نازدارێ

به‌ ڕه‌وتی که‌و، له‌نجه‌ی تاوس و قومری

گورج گورج ، جوان جوان، ئه‌هات و جاده‌ی ئه‌بڕی

مابوی بگاته‌ ئاستم جه‌ند هه‌نگاوێ

درزێ که‌وته‌ په‌چه‌ و دیم نیگای چاوێ

ده‌ست و په‌نجه‌ و مه‌چه‌کێک و نیگایه‌

چی بنوسم خوایه‌ هێزی ئینشایه‌

قۆڵ و مه‌چه‌ک ساف و سپی وه‌ک شوشه‌

سه‌ر په‌نجه‌كان یاقووتێك بوون به‌ ورشه‌

بێینه‌ سه‌ر چاو : چاوێك ، بڵێم چ چاوێك ؟

كانیی سیحر ، ده‌ریای عیشوه‌ ، گێژداوێك 

كه‌وا كه‌وته‌ به‌ر شه‌پۆلی هه‌ستی من

له‌و ڕۆژه‌وه‌ هه‌ر نوقم ئه‌بێ به‌ره‌و بن

• Artist:Qadr Kaban