Ich wör su jään ens Weihbischof [French translation]

(Refrain)

Ich wör su jään ens Weihbischof,

Dat wör en prima Saach.

Ich wör su jään ens Weihbischof,

Dovun dräum ich ald su manche Naach.

Em Dom jet römlaufe

Un schwatze Anzöch kaufe,

En d'r Bibel studiere,

Ungerm Baldachin spaziere.

Prächtije Jewänder drage,

Em Benz jet römfahre,

Jet Schau für die Menge,

Vun d'r Kanzel jet schänge.

(Refrain)

Bei de Sünder jet setze,

Mem Weihwasser spritze,

Verjebung verschenke,

Un Weihrauchfässje schwenke.

Jet schlofe em Jade,

Mem Herrjott jet schwade,

De hillije Jeist verdeile

An jede ärme Seele.

(Refrain)

Immer bei de Jäste

Bei Einweihungsfeste.

Jot esse un jot drinke,

Jet säne und jet winke.

Bedde für die Kranke un Lahme,

Mem Kardinal ovends en Rund Dame.

Af un zo nom Papst ens luure

Un en jet beduure.

(Refrain)

Wenn nur eins nit wör,

Dat es et ZZZZZölibat.

• Artist:Bläck Fööss
• Album:Jommer noh Hus oder solle mer blieve