Həsrətini çəkdiyim lyrics

Gəl, səni görsün rahat olsun barı canım,

başqa nəyim var ki, qalıb bir quru canım

Hər səni səsləyəndə "Yarım", "Canım" dedim,

indi də yanında qalıbdır yarı canım

Mənim ömrümə ilk baharı sən gətirmisən,

xoş günü, xoş ruzigarı sən gətirmisən

İndi kimə desəm də bunu, eşidər, inanmaz,

bu həsrəti, intizarı sən gətirmisən

Ay mənim həsrətini çəkdiyim,

yolunda göz yaşı tökdüyüm

Hər şeyi vaxtında qazandım, sandım,

bircə sən oldun gecikdiyim

Keçsədə ömrün yazı sənsiz, qışı sənsiz,

ötsədə illər, qurumaz göz yaşı sənsiz

Ey gözümü yolda qoyan, gözlərin aydın,

oldu bugün ayrılığın bir yaşı sənsiz

Bir il də canım beləcə ötdü səninlə

Başladı bu eşq nağılı, bitdi səninlə

Mən səni sevdim deyə sevdim bu həyatı,

getdin həyatın dadıda getdi səninlə

Ay mənim həsrətini çəkdiyim,

yolunda göz yaşı tökdüyüm

Hər şeyi vaxtında qazandım, sandım,

bircə sən oldun gecikdiyim

• Artist:Namiq Qarachuhurlu