Frores de mendula [Italian translation]

Si mi nd' ammento… mi 'enis a bortas

finament' in su sonnu, a passu lentu,

o, sende ischidu, cun su pensamentu

atraessende sas àndalas mortas.

Tando mi torrat che una cantone

antiga e a deghile e a primore,

totu sas bortas chi a catza 'e sirbones

andaìmis in nottes de lugore.

Faeddaias pagu, iscurtaias

sa mòvida 'e sas fozas de su buscu

ca tue connoschias a su nuscu

murvas, sirbones, pèrdighes, istrias.

Sas istajones t'an fat'a piuere,

su tempus sa carena t'at distrutu,

ma pro chi sias como in terra rutu

dae su coro no nde podes rùere.

T'ammento… e si'che fuit sa tristura

chi m'inde 'atit su tempus dannarzu:

torro in colore che i'sa natura

cun sos frores de mèndula in frearzu.

• Artist:Piero Marras
• Album:Funtanafrisca