Dos lid funem tsigele lyrics

Der tate hot gekoyft a tsigele

mit yorn ful tsurik,

In khad gadye es farshpart,

gebundn oyf a shtrik.

Iz troyerik dos tsigele,

vind iz im un vey,

Zumer zet es nisht keyn groz

un vinter nisht keyn shney.

Zog mayn bruder, "Itsik, her,

vi derlozt es Got?

Tsu iz im nisht dos tsigele

dos vaysinke a shod?"

Zog ikh, "Notl, bist gerekht!"

un nisht lang getrakht,

S'iz geven vi zeltn

ven a sheyne vesne-nakht.

Der tate shloft, di mame shloft,

s'shloft dos gantse hoyz,

Firn mir funem khad gadye

dos tsigele aroys.

Mir firn bay di herner es,

di velt iz vayt un groys,

Un vu mir lozn es aleyn

dos zogn mir nisht oys.

Pesakh di ershte seder-nakht

s'tsigele nishto,

Fregt der tate: "Itsik, du?"

Zog ikh, "Abervo."

Der tate fregt, "Notl, du?"

Zogt er, "Vos un ven,

Zint farayorn pesakh-tsayt

dos tsigele nisht gezen."

Der tate veynt, di mame veynt,

keyner veyst nisht vos,

Zingt men dem khad gadye op

un dos iz shoyn nisht dos.

To vu zhe iz dos tsigele,

s'shpringt arum in feld,

Un hot hanoe fun der zun

un fun der gantser velt.

• Artist:Itzik Manger