Buongiorno a Maria [Venetan translation]

'Ncopp' â fenesta ca sta 'nchiusa ancora,

Saglie 'o saluto mio pe' te scetà.

E tu ca saje 'a voce e ca saje ll'ora,

Statte scetata, ma nun tt'affaccià!

Statte scetata e siente

'Sta voce 'e chi te penza ore e mumente

E, albanno juorno, dint'a ll'ombra vene,

Vene e te torna a dì: "Te voglio bbene".

Buongiorno, ammore mio, buongiorno, ammore,

Ca nun tte cagne e nun tte può cagnà.

Comm' ô rilorgio, 'o core conta ll'ore,

Ll'ora pe' t'addurmì e pe' te scetà.

E tu, cuccata, siente

'A voce 'e chi te sceta puntualmente

E, albanno juorno, dint'a ll'ombra vene,

Vene e te torna a dì ca te vò bbene.

E po' tt'adduorme e po' te sceta 'o sole.

Di', che te suonne 'int'a 'sti suonne tu?

Che t'hanno miso 'ncore 'sti pparole

Che 'a tantu tiempo nun sentive cchiù?

Statte cuccata e siente:

T' 'e ddice chi te penza eternamente

E, albanno juorno, dint'a ll'ombra vene.

'E ttre pparole sò: "Te voglio bbene".

• Artist:E. A. Mario