Bandidu

Naran de unu bandidu de Gaddura

chi fentomadu fit fintzas a s'artura

chi lu fit diventadu pro isventura

essende mudu dae sa naschidura.

Bim bam bom…

Naran de unu zóbanu rebellu

chin ojos jaros et nessi meda bellu

chi in sa ‘idda a sa sola istaiat

proite mai nisciunu lu cheriat.

Bim bam bom…

Naran chi b'aiat mala zente

chi male e peus istaiat semper fathende

chi pro cuare s'issoro balentia

sa curpa a isse semper la daian.

Bim bam bom…

Bidu partire l'an una manzana

chin su fusile e chin d’una aera mala

pro facher su bandidu a mala gana

ca no b'aiat rimédiu a cale narat.

Bim bam bom…

Dae tando a oe mai prus an ischidu

si vida ‘ona o mala iss'at bividu

forsis dae cando isse si ch'est partidu

su sou turmentu pro semper ch’at mutidu.

Bim bam bom…

S'istoria narat de unu homine malu

chi bandidende bochiat pro pagu

ma naran puru chi fit de ánimu caru

e de amistade aiat bisonzu galu.

• Artist:Tore Nieddu