B’at una femina lyrics

B’at una fémina isconsolada,

mancari siat dae totus disizada

nemos la cheret cojubare.

E b’at un hómine in custu mundu

chi su distinu juchet a ballu tundu

e galu sighit a ballare.

Tue chi ses caminende

Tue macu chi ses andende

Tue semper mesu cottu, babosu

Tue babbarrotu, connotu “menzus nudda”

Tue bambu, tue chen’e tudda

Tue fizu de malasorte,

Limbudu, jàcanu ‘e corte

In custu chelu nostru sas umbras t’inghìrian

e imbrutan sa luna de sàmbene feu.

In custu mùssiu ‘e arbèschida un’àlidu ‘e luche

t’ammòddigat su coro e fortzis s’anneu.

B’at una fémina isconsolada,

mancari siat dae totus disizada

nemos la cheret cojubare.

E b’at un hómine in custu mundu

chi su distinu juchet a ballu tundu

e galu sighit a ballare.

Babbu, sa burrumballa est ora de l’imbolare:

B’at homines de brulla chi in sardu cheren cantare.

It’est custu burdellu chi intendo fintzas a inoche?

Mi paret, a bellu a bellu furadu mi ch’an sa ‘oche.

In custu chelu nostru sas umbras t’inghìrian

e imbrutan sa luna de sàmbene feu.

In custu mùssiu ‘e arbèschida un’àlidu ‘e luche

t’ammòddigat su coro e fortzis s’anneu.

B’at una fémina isconsolada,

mancari siat dae totus disizada

nemos la cheret cojubare.

E b’at un hómine in custu mundu

chi su distinu juchet a ballu tundu

e galu sighit a ballare.

E b’at un hómine in custu mundu

chi su distinu juchet a ballu tundu

e galu sighit a ballare.

E galu sighit a ballare…

• Artist:Piero Marras