Als I Lay on Yoolis Night lyrics

Lullay, lullay, lay lay, lullay:

mi deere moder, sing lullay.

Lullay, lullay, lay lay, lullay:

mi deere moder, sing lullay.

Als I lay on Yoolis Night

alone in my longing

me thought I saw a well fair sight,

a may hiar child rokking.

Lullay, lullay, lay lay, lullay:

mi deere moder, sing lullay.

The maiden wold withouten

song hir child o sleep to bring;

the child him thought sche ded him wrong

and bad his moder sing.

'Sing nou moder,' said the child,

'wat schal tome befall

heerafter wan I cum til eld,

for so doon modres all.'

'Ich a moder, trewely,

that kan hir credel keep,

is wun to lullen luvely

and sing hir child o sleep.'

'Sweete moder, fair and free,

because that it is so,

I pray thee that thou lulle me

and sing sumwat therto.'

Lullay, lullay, lay lay, lullay:

mi deere moder, sing lullay.

'Sweete sune,' saide sche,

'weroffe schuld I sing?

Ne wist I nere yet more of thee

but Gabriels greeting.'

'He grett me goodli on his knee

and saide, "Hail, Marie!

Hail, full of grace, God is with thee;

thou beren schald Messie."'

'I wundred michil in my thought,

for man would I richt none.'

"Marie", he saide, "dred thee hought:

let God of heven alone."

"the Holi Gost schal doon al this,"

he said withouten wun,

that I schuld beren mannis blis

and Godis owne sun.

Lullay, lullay, lay lay, lullay:

mi deere moder, sing lullay.

He saide, "thou schalt bere a king

in king Davitis see;"

in all Jacobes wuniing

ther loverd schuld he be

'I answered blethely

for that his word we paid,

lo Godis servant heer am I

be et as thou me said'

'The schepperds waked

in the wold thei herd a wundermirth

of angels ther,

as theim thei told the tiding of thi birth'

Lullay, lullay, lay lay, lullay:

mi deere moder, sing lullay.

'Sweete sune,

sikerly, no more kan I say,

and if I koulde, fawn wold I,

to doon al at thi pay'

Lullay, lullay, lay lay, lullay:

mi deere moder, sing lullay.

'Serteynly this nicht I say,

this song I herde sing,

als I me lay this Yoolis day

alone in my longing.'

• Artist:Christmas Carols