ثلاث مرات [3 Marrat] [Transliteration]

ثلاث مرات وانت تدور فراقي

وثلاث مرات وأنا اقول: لا ترحل

الظاهر إن الغلا ما عاد له باقي

بيني وبينك أشوف الوضع مستفحل

عشرة زمن تجبر المشتاق يشتاقي

سحلتها بالهجر والوصل ما يسحل

عليك صابر وهذه قيمة أخلاقي

لأن أرض الوفا دون الوفا تمحل

ولأنك الغالي اللي حرك أشواقي

بمكحلات العيون اللي بلا مكحل

بالرقة، أنت الأرق، وذوقك الراقي

وبين الخصور النواحل، خصرك الأنحل

وقلوب عشاقك اللي كثر عشاقي

عيونهم نحل لأن شفاتك المنحل

أصعب سؤال فحياة العاشق الشاقي

اللي طرحته عليك وما لقيت الحل

وشلون ترحل وحبك وسط الأعماقي؟

وأنا نويت الرحيل، وما قدرت أرحل

• Artist:Hamdan Al-Maktoum (Fazza)