زستانی ڕۆح [Zistani Ruh] [Transliteration]

ئەم شەوگارە بێ یادی تۆ سەرایەکە

ڕێبواری ڕۆح تروسکەی ئاوەدانی تیا بەدی ناکا

ئەم شەوگارە بێ یادی تۆ

قەڵایەکی ئاگرینە، دەرگایەکی ئاسنینە

گەرووم تێیدا ژەنگ هەڵدێنێ

دەنگم ناگاتە گوێی کەسێ

بێت و زەنجیری گەردنم بۆ بکاتەوە

دەنگم ناگاتە گوێی کەسێ

کۆت و بەندی دڵی دیلم بۆ بشکێنێ

گیانی گیانان خۆ تۆ چرای دنیا و دینی

تۆ شارەزای مەیخانەی شاری ئەوینی

بە پشکۆیەک تاریکخانەی زستانی ڕۆح داگیرسێنە

پیشانم دە نوێژی عەشق چۆن دەکرێ

کورەی خامۆشی ئەم دڵەم چۆن گڕ دەگرێ

• Artist:Chopy Fatah
• Album:Nawit Denem Jino - 2007