زنوبيا [Zanoubia] lyrics

زنوبيا مش تدمر، زنوبيا البلاد

بأرضها، بناسها، كبارهم والولاد

زنوبيا السهل، والنهر والصحرا

راعي بدير الزور ومحبوبته السمره

زنوبيا ضحكة، بحر صور شافا

ضحكة طفل سهران ع الشط بيافا

زنوبيا جبال وأرز، حور وسنديان

ع ضفاف الأردن ورد، زعتر وريحان

زنوبيا شراع الزمن ع مركب بدجلة

رحلة بحّارة وعمْر م الموصل للبصرة

زنوبيا عروس بالأبيض رسمتا

زنوبيا نحنا هو انا وانت

زنوبيا كتابا انكتب، بغداد مابتنام

جهازا مطرّز بحلب والعرس بالشام

• Artist:Faia Younan