Viru a me stissu [remix] lyrics

Comu lu focu ca distruggi li simenzi

E comu si fa ppi stutari stu focu?

Comu lu focu ca distruggi li simenzi

E comu si fa ppi stutari stu focu?

Dici u vecchiu fai bene e scordalu

Dici u ranni fai mali e pensanci

A guerra cosi buoni nun’nni porta

Surrisi finiri fa

La gioia di la creatività

Uccide, ammazza e cancella ogni cosa

Comu lu focu ca distruggi li simenzi

E comu si fa ppi stutari stu focu?

Comu lu focu ca distruggi li simenzi

E comu si fa ppi stutari stu focu?

Spissu l’omu si nutri di spiranzi

Assuppa, assuppa megghiu di na spugna

Lu’ncugna, lu scugna, lu conza e sconza

Ballannu a porti chiusi a cuntradanza

Lu’ncugna, lu scugna, lu conza e sconza

Ballannu a porti chiusi a cuntradanza

Jemu avanti: Sì! Ma comu?

Si mancu tra di nui si cci saluta

Stamu arristannu comu l’armi santi

Nudi du menzu u focu e pinitenti

Stamu arristannu comu l’armi santi

Nudi du menzu u focu e pinitenti

C’è di luntanu cu ni fa la cucca

Ca cogghi tutti cosi e si l’ammucca

C’è di luntanu cu ni fa la cucca

Ca cogghi tutti cosi e si l’ammucca

Semu a seculu vili e lisciu

Paremu picureddi di camusciu

Lu picuraru a nui dici: vi pisciu

‘ntra ‘na parti di corpu lu cchiù musciu

Nui picureddi ca ci jemu fisciu fisciu

Nun facemu né musciu né stramusciu

Nui picureddi ca ci jemu fisciu fisciu

Nun facemu né musciu né stramusciu

Viru a me stissu e paru casu stranu

Nascìù n’Sicilia e sugnu talianu

Nun sacciu comu nun mi vota la testa

Pinsannu a lu prisenti e a lu passatu

Dicitamillu vui com'è stu munnu

E comu 'n 'un mumientu ca voto e sbota:

Cu' sta supracqua è tuttu 'nziemi a funnu

E cu' sta 'nfunnu acciana 'n'atra vota

Viru pirsuni fari tanta festa

Viru lu mari ca sempri è 'n tempesta

Viru a me stissu e paru casu stranu

Nascìù n’Sicilia e sugnu talianu

• Artist:Alfio Antico
• Album:Viaggio in Sicilia (2005)