Suonno d'ammore [Italian translation]

Cade 'na fronna,

Suspira 'na vela che vva…

Tremma cu ll'onna

Già ll'urdemo sole d'està.

Quanta tristezza stasera

Scenne cu 'st'ombra addù me.

Suonno d'ammore,

Ca 'nzuonno me faje suspirà…

Cerca 'stu core

'E ccose perdute pe' campà.

Passiona amata,

Pecché me faje dannà?…

Nun pienze c' 'o bbene 'e 'sta vita,

Suonno d'ammore… sì ttu.

Spuntano 'e ffronne,

'Na vela se vede 'e turnà.

Porta cu ll'onne

Già 'o primmo saluto d'està.

Forse, tu pure, stasera,

Tuorne cu 'st'ombra addù me.

Suonno d'ammore,

Ca 'nzuonno me faje suspirà…

Cerca 'stu core

'E ccose perdute pe' campà.

Passiona amata,

Pecché me faje dannà?…

Nun pienze c' 'o bbene 'e 'sta vita,

Suonno d'ammore… sì ttu.

Passiona amata,

Te voglio pe' campà,

Pecché tutt' 'o bbene 'e 'sta vita,

Suonno d'ammore… sì ttu.

• Artist:Achille Togliani