Suonne sunnate lyrics

Suonne sunnate

p' 'e vvie sulitarie 'e Capemonte.

'Nterra assettate

quanta vase ca ce simmo date 'nfronte.

Che sentimento,

nce pienze cchiù Carmé'? Te vène a mente?

Suonne sunnate

p' 'e vvie sulitarie 'e Capemonte.

Carmela,Carmè',

io che vulesse fà

pe' te vedé turnà,

n'ata vota, addu me.

Frònne sfrunnate

da 'e primme viente 'e vierno 'mmiez'ê vvie.

E, scarpesate,

facevano rummore comm'a spie

e te tremmava

'sta mana bella che mm'accarezzava.

Frònne sfrunnate

da 'e primme viente 'e vierno 'mmiez'ê vvie,

Carmela, Carmè,

................

Ammore amato

p' 'e vvie sulitarie 'e Capemonte.

Nce sò' turnato

ma pure 'e ppiante mm'hanno letto 'nfronte

ca mm'hê traduto,

ca tutt'ammore nuosto è già fernuto.

Ammore amato p' 'e vvie sulitarie 'e Capemonte.

Carmela, Carmè,

................

• Artist:Massimo Ranieri