Sti ccanzone lyrics

Ah, vire ô mare

'a raggione

'a luna rossa

e 'o tiempo passa

e cagna 'o munno

e nuje cantamme

ahi, ahi, ah

sti ccanzone

Ammore, ammore

a Marechiaro

chiove a zzeffunne

e nuje cantamme

ahi, ahi, ah

sti ccanzone

Ah, cagna 'o munno

quanno sunamme

cu'o mandulíno

ahi, ahi, ah

sti ccanzone

Fanno chiagnere d'ammore

sti ccanzone

pecché llacreme d''o còre

so' 'e ccanzone

nun s'abbruceno cu'o sóle

nun s'asciutteno cu'o tiempo

sti ccanzone

Fanno crescere ê guagliune

sti ccanzone

sti ccanzone ca purtamme dint'ô còre

se fa juorno, se fa notte

tutt''a vita t'accumpagna

na canzona

ahi, ahi, ah

sti ccanzone

Ah, scetate munno!

Quanno sunamme

s'affaccia 'a luna

pe ccantà

sti ccanzone

A che serveno 'e pparole d''e ccanzone?

Addo' nasceno 'e pparole 'e sti ccanzone?

Quanno n'ommo resta sulo

dint'â notte nasce sempe

na canzona

e se spanne chianu chian' 'nfin'a mmare

'ncopp'a ll'ónne piglia viento e canta 'o cielo

passa 'o tiempo, passa 'a vita

tutto passa, ma nun passeno

'e ccanzone

ahi, ahi, ah

sti ccanzone

Ah, Reginella!

'O primmo ammore!

'A palummella

ca zompa e vvola

ahi, ahi, ah

sti ccanzone

• Artist:Massimo Ranieri
• Album:Un giorno bellissimo (1989)