Stabat Mater Dolorosa lyrics

Stabat Mater dolorósa

iuxta crucem lacrimósa,

dum pendébat Fílius.

Cuius ánimam geméntem,

contristátam et doléntem

pertransívit gládius.

Quam tristis et afflícta

fuit illa benedícta

Mater Unigéniti!

Quae mœrébat et dolébat,

pia Mater, dum vidébat

nati pœnas ínclyti.

Quis est homo, qui non fleret,

Christi Matrem si vidéret

in tanto supplício?

Vidit suum dulcem natum

moriéntem desolátum,

dum emísit spíritum.

Eia, Mater, fons amóris,

me sentíre vim dolóris

fac, ut tecum lúgeam.

Fac, ut árdeat cor meum

in amándo Christum Deum,

ut sibi compláceam.

Sancta Mater, istud agas,

crucifíxi fige plagas

cordi meo válide.

Fac, ut portem Christi mortem,

passiónis fac consòrtem

et plagas recólere.

Fac me plagis vulnerári,

cruce hac inebriári

et cruòre Fílii.

Flammis ne urar ne succénsus,

per te, Virgo, sim defénsus

in die iudícii.

Quando corpus moriétur,

fac, ut ánimæ donétur

paradísi glória.

Amen.

• Artist:Giovanni Battista Pergolesi
• Album:Pergolesi Stabat Mater