Sensizligimdan lyrics

Uzun-uzun kechalar,

Ma’yus, mahzun kechalar,

Ko‘ngil hazin kuy chalar

Sensizligimdan.

Nolam tutunga to‘lar,

Olam kukunga to‘lar,

Bir kun ming kunga to‘lar

Sensizligimdan.

N a q a r o t:

Tun qora, kunduz qora,

Oy, quyosh, yulduz qora,

Vujudim pora-pora

Sensizligimdan. (2x)

Parishon yo‘l kutaman,

O‘zimni unutaman,

Dardni arang yutaman

Sensizligimdan.

Dardimga sherik qalam,

Qog‘oz birga chekar g‘am,

Yondirar alam, alam

Sensizligimdan

N a q a r o t: ................. (2x)

Jonim azoblar firoq,

Bo‘lsam, yor, sendan yiroq,

Za’faron rangim biroq

Sensizligimdan. (2x)

N a q a r o t: ................... (2x)

• Artist:Gulsanam Mamazoitova