ساكتين ساكتين [Sakteen Sakteen] lyrics

وبعدين يا بلد

آخرة ده كله إيه

خلاص اليأس اتولد

ومش عارفين بكره فيه ايه

شايفين العيب والغلط

ومبنسألش حتي ليه

وكل واحد بيقول

هو يعني بإيدي إيه

ودايماً

ساكتين ساكتين ومكملين

بنوطي راسنا عاملين مش شايفين

ماشيين في حالنا جنب الحيط

أهم حاجه نروح البيت

واليوم يعدي علي خير

وبكره لينا رب كبير

حاجات كتيره بقت عادي

والأمل بطل ينادي

حاجات كتيره مكنتش عادي

خلاص نسينا إحنا مين

ودايماً

ساكتين ساكتين ومكملين

بنوطي راسنا عاملين مش شايفين

بطلنا نتكلم بطلنا نتضايق

بطلنا نتألم وحالنا مش فارق

لكن ساعات بنحس

وبنسي في دقايق

ونرجع تاني

ساكتين ساكتين ومكملين

بنوطي راسنا عاملين مش شايفين

• Artist:Cairokee