Que'm soi lhevada [Tongan translation]

Que’m soi lhevada pro de dòra,

Enter la nueit e lo matin,

Lo hred qu’èra tot blanc dehòra,

Que t’èi espiat drin a dromir.

Shens tròp de bruth, a la cosina,

Qu’èi hèit cauhar drin de cafè,

Puish qu’èi tirat ua pagina,

Aus dias deu calandrièr.

Aqueth moment qu’ei de las hemnas,

A véder l’ombra de çò qui viu,

Pesar las jòias e las penas,

E lo temps qui se’n va tau briu.

Que vas batlèu har la lhevada,

Que vau enténer lo ton pas

Qui va desvelhar la maisoada

E esquiçà’m un drin la patz.

Jo’t diserèi qu’a la hornèra,

Cau reparar aqueth flisquet,

Tu que’m vas demandar encuèra :

«Mes on m’as hicat lo bonet ? »

Non volerí pas tirar hèra

A tot çò qui avem viscut,

Jo que voi partir la purmèra,

Non poderí seguir shens tu .

• Artist:Nadau