O' oe no paha ia lyrics

‘O ‘oe nō paha ia, e ka lau o ke aloha

‘O ia nō paha ia ke kau mai nei ka hali‘a

Ke hāli‘ali‘a mai nei ka maka

Mana‘o hiki mai nō paha auane‘i

Hiki mai nō la ia, na wai e uē aku?

Ua pau kāu lā, kāu ‘ike iāia.

Ka manawa ‘oi e ‘ai ka mana‘o i loko

Ua lu‘u iho nei au i ke kai nui

Nui ka ukiuki paio o ka na‘au

‘A‘ohe kanaka ‘eha ‘ole i ke aloha

A wahine ‘ē ‘oe, kanaka ‘ē au

He mau alualu kā ha‘i e lawe

‘Ike aku i ke kula i‘a o Kawainui

Nui ka ‘ōpala ‘ai o Mokulana21

Lana ka limu pae hewa o Maka‘uwahine

‘O ka wahine nō ‘oe, ʻo ke kāne nō ia

Hiki mai nō lā ia, na wai e uē aku?

Ho‘i mai nō la ia, aia wai e uē aku?

• Artist:Kealiʻi Reichel
• Album:Kawaiokalena