Nix wie bessher lyrics

1)

Die Toreinfahrt vum Schuster

Woor unser Fußballtor

Wo em Winter wie em Sommer

Dä Papst ahm boxe wohr

Schalke en Packung vum F.C. kräät

Klein Stan Matthews, klein Peles

Klein Hans Schäfers spillten he

2)

En Bäckerei, en Weetschaff

Pandhuus un Milchjeschäff

Die Musikbox vum Wirtz woor

Ein Woch lang Stadtjespräch

Weil do en unerhörte Plaat

Nur noch leef der janzen Daach:

" Love me tender " wat en Sprooch!!

(Refrain)

Vun do ahn woor nix wie bessher

Op eimohl woor irjendjet passiert

Sujet hatt noch keiner he jehührt

Su deef hatt noch janix berührt

3)

Maria Lopez heeß se

Die janze Strooß woor hin:

Pechschwazze Hoor un siebzehn

En Hillije, en Spanierin

Sulang noch Leech bei ihr brannt

Sinn se öm dä Block jerannt

" Marie " stund op jeder Wand

(Refrain)

Vun do ahn woor nix wie bessher

Op eimohl woor irjendjet passiert

Sujet hatt noch keiner he jehührt

Su deef hatt noch janix berührt

4)

Dä Schuster litt om Südfriedhoff

Sing Pooz ess jetz ne Copyshop

Nur em Wirtz sing Kneip, die jitt et noch

• Artist:BAP
• Album:Amerika (1996)