Месяц [Mesyats] [Transliteration]

У дзяцінстве чакаў цемру,

З'яўляўся хвалюючы сэнс.

Вадзіў індзейскую хэўру

У цёмны Кайкаўскі лес.

Глядзеў у глыбокі калодзеж:

Там жыў бяскрылы анёл.

Шукаў чарадзея, а дзе ж ён?

Хацеў, каб на месяц адвёў.

Месяц, братка мой!

Месяц мой!

Месяц, братка мой!

Месяц мой!

Хаваўся ў цудоўны асіннік,

Дзядуля шукаў з бізуном.

Наводзіў на поўнач гадзіннік,

Каб здацца ночы ў палон.

Вера мая — восень,

Сонца — толькі ў снах.

Маіх архангелаў — восем,

Ляцяць, як птушкі на дах.

Месяц, братка мой!

Месяц мой!

Месяц, братка мой!

Месяц мой!

• Artist:Lyapis Trubetskoy