Margellina blù [Italian translation]

‘E séra, Margellina è nu brillante,

lucènte cómme luce nu bisciù;

è ‘o paraviso ‘e tutt’e ccóppie amante,

nu paraviso ‘ncòpp’a ll’acqua blu.

Fémmene bèlle e cammesètt’ ‘e lino,

canzóne appassiunate ‘e giuventù

cantate cu chitarre e manduline…

Chésta visióne nun t’a scuórde cchiu’.

Margellina!

Paraviso d’e ‘nnammurate…

Margellina…

sta marina te fa parè;

chésti bbarche, chisti scòglie,

profumate d’èrba ‘e mare

ca s’addòrmono appuiate

‘ncòpp’a nu cristallo blu…

Margellina!

Sta canzóne ‘a siénte tu:

tu si ‘e Napule ‘a riggina,

si ‘a cchiù bèlla Margellina…

Margellina e niénte cchiu’.

‘0 mare ‘e Margellina è n’atu mare,

quanno ll’hê visto nun t’o scuórde cchiu’.

Chest’acqua ca guardannola te pare

nu spècchio trasparènte, na virtu’,

chistu brillante, illuminato ‘e sóle,

Napule mia ‘o tiène sulo tu…

Stu ciélo, chistu mare e sti ffiglióle

songh‘e tèsor’ ‘e tutt‘a giuventu’.

Margellina!

Paraviso d’ ‘e ‘nnammurate…

Margellina…

sta marina: te fa parè;

chesti bbarche, chisti scoglie,

profumate d’erba ‘e mare

che s’addormono appuiate

‘ncopp’a nu cristallo blu…

Margellina!

Sta canzone ‘a siente tu

ca si ‘e Napule ‘a riggina,

si ‘a cchiù bella Margellina…

Margellina e niente cchiu’.

• Artist:Totò
• Album:Le canzoni di Totò vol. 2