Миигин ыыт, тутума [Let It Go] [Miigin ııt, tutuma] lyrics

Тибии түстэ чыпчаал хайаҕа

Тулалыыр хаар маҥан!

Чуумпу чысхааннаах дойду

Хотуна буоллум мин.

Сүрэхпэр тыал ытыйар, буурҕа буурҕайар

Киһи сиэринэн сыһыан табыл-лы-бат.

Кистэлэҥҥин эн аһыма,

Барыларыгар үтүө кыыс буол!

Иэйиигин эн искэр хатаа!

Ону кыайбатым!

Миигин ыыт, тутума

Ааспыты санатыма!

Миигин ыыт, тутума

Саҥа күн суолбун ыйыа!

Туохтан да аны толлубаппын

Тибии да тибийдин

Тымныы – мин сүрэҕим иэйиитэ!

Мин үөһээ дабайан сүүрэбин

Килэрийэр мууска,

Ааспыт хомолтолоох кэмнэр

Аны кэлэн булбаттар.

Аналбын дьэ өрө туттум

Хаардыын, тыаллыын кэпсэтэбин,

Тоҥ муустарга үөрүү биллим,

Көҥүл!

Миигин ыыт, тутума,

Мин эйгэм тымныы халлаан,

Миигин ыыт, тутума,

Сонньуйар харах уута суох,

Кырыа хаар уонна ыраас тоҥ муус,

Мин чөмчүүк алаһам!

Мин кыаҕым сир араҥатыттан толлубат,

Мин дууһам мууһунан туланы бүттүү бүрүйэр,

Санааларым муус чопчулуу сандаараллар!

Аны төннүбэппин эбээт,

Урут уруккуга.

Миигин ыыт, тутума!

Мин көттүм саҥа олоххо!

Миигин ыыт, тутума,

Дьүкээбил уота оонньоо!

Мин көрсүөм

Маҥнайгы саһарҕаны.

Тибии да түстүн –

Тымныы мин сүрэҕим иэйиитэ!

• Artist:Non/Disney Fandubs
• Album:Let It Go