La guerra di Piero [Lombard translation]

Te dormet sepellii in on camp de forment

l'è minga ona rosa, l'è minga on tolipan

che te fan sorveglianza da l'ombria di foss

ma a hinn milla papaver ross.

«Adree i spond del mè torrent

voeuri che vegnan-giò i lusc argentin,

minga puu i cadaver di soldaa

portaa in brasc da la correnta.»

Inscì te disevet, e a l'eva d'inverna,

e, 'me i alter, vers l'inferna

te ne vet trist comè quij che ghe tocca;

el vent te spua in faccia la nev.

Fermes, Peder, fermes adess;

lassa che 'l vent el te passa on poo adoss

di mort in battaja te portet la vos:

chi ha daa la vitta ha avuu inscambi ona cros.

Ma ti te l'et minga sentii e 'l temp 'l passava

cont i stagion a pass de giava

e te set rivaa a passà el confin

in on bell dì de primavera.

E, intanta che te marciavet cont l'amema in spalla,

t'et veduu on omm in fond a la vall,

che gh'avea el tò stess precis umor,

ma la rusca d'on alter color.

Sparaghe, Peder, sparaghe adess,

e dopo on colp sparaghe anmò,

fin a che te 'l vederet sbiavaa,

crodà in terra a quattà-sotta el sò sangu.

«E se ghe spari in front o in del coeur,

domà el temp gh'avrà per morì,

ma 'l temp a mi restarà per vedè,

vedè i oeucc d'on omm che 'l moeur.»

E, intanta che te ghe dovret questa premura,

quell lì 'l se gira, el te ved e gh'ha paura,

e, ciapada in man l'artigliaria,

el te rend minga la cortesia.

Te set crodaa in terra senza lamentazion

e te set incorgiuu in appenna on moment

che 'l temp te saria minga staa assee

a domandà perdon per ogni peccaa.

Te set crodaa in terra senza lamentazion

e te set incorgiuu in d'on moment

che la tua vitta la finiva quel dì

e che ghe saria staa minga on retorna.

«Ninetta mia, creppà de magg,

ghe voeur tant, tropp coragg.

Ninetta bella, drizz a l'inferno

avaria preferii andaghe d'inverna.»

E, intanta che 'l forment el te stava a sentì,

denter i man te strensgevet el s'ciopp.

denter la bocca te strensgevet paroj

tropp giazzaa per desfass al sô.

Te dormet sepellii in on camp de forment

l'è minga ona rosa, l'è minga on tolipan

che te fan sorveglianza da l'ombria di foss

ma a hinn mill papaver ross.

• Artist:Fabrizio De André
• Album:La guerra di Piero/La ballata dell’eroe (1964)