Kristallnaach lyrics

Et kütt vüür, dat ich mein, dat jet klirrt,

dat sich irjendjet en mich verirrt,

e Jeräusch, nit ens laut

manchmol klirrt et vertraut

selden su, dat mer't direk durchschaut

Mer weed wach, rief die Aure un sieht

en'nem Bild zweschem Brueghel un Bosch

kei Minsch, dä öm Sirene jet jitt

weil Entwarnung nur half su vill koss

et'rüsch noch Kristallnaach

En der Ruhe vür'm Sturm, wat ess dat?

Janz klammheimlich verlööss wer die Stadt.

Honratioren incognito

hasten vorbei,

offiziell sinn die nit jähn dobei,

wenn die Volksseele - allzeit bereit

Richtung Siedepunkt wütet un schreit

"Heil - Halali" un grenzenlos geil

noh Vergeltung brüllt, zitternd vor Neid

in der Kristallnaach

Doch die alles wat anders ess stührt,

die mem Strom schwemme, wie't sich jehührt,

für die Schwule Verbrecher sinn,

Ausländer Aussatz sinn

brüchen wer, der se verführt.

Un dann rettet kein Kavallerie,

keine Zorro kömmert sich dodrömm.

Dä piss höchstens e "Z" en der Schnie

un fällt lallend vüür Lässigkeit öm:

"Na un? - Kristallnaach!"

En der Kirch met dä Franz Kafka-Uhr,

ohne Zeiger, met Striche drop nur

ließ ne Blinde nem Taube

Strubbelpeter vüür

hinger dreifach verriejelter Düür

Un dä Wächter 'mem Schlüsselbund hällt

sich em Ähnz für jet wie e Jenie,

weil'er Auswege pulverisiert

un verkäuf jäjen Klaustrophobie

en der Kristallnaach.

Währenddessen, am Maatplatz vielleich,

unmaskiert, hück mem wohre Jesseech

sammelt Stein, schlief et Mezz

op die, die schon verpezz

probt dä Lynch-Mob für't Jüngste Jereech.

Un zem Laade nur flüchtig vertäut

- die Galeeren stonn längs unger Dampf -

weet em Hafen op Sklaven jewaat,

op dä Schrott uss dämm ungleiche Kampf

uss der Kristallnaach

Do, wo Darwin fuer alles herhällt,

ob mer Minsche verdriev oder quält,

do, wo hinger Macht Jeld ess,

wo stark sinn die Welt ess,

von Kusche un Strammstonn entstellt

Wo mer Hymnen om Kamm sujar blööss,

en barbarischer Gier noh Profit

'Hosianna' un 'Kreuzigt ihn' rööf,

wemmer irjend ne Vorteil drinn sieht

ess täglich Kristallnaach

• Artist:BAP
• Album:Vun drinne noh drusse (1982)