Ko Işaret Bi Bişaret Bidirit Nexmeya Çeng lyrics

Ko işaret bi bişaret bidirit nexmeya çeng

Ji rûyê ayîne`ê dil biretin perdeya zeng

Fehm-i raz er bikirî wer bibehî mujde`ê saz

çeng-i bêperde dibêjit ne ney û nay-i bi deng

Weh ko bê şahid û mehbûbê te `umrê xwe biwar

Karikê rabe bike weqt e ko êvar e dereng

Berê meqşûdê ji tobê negirîn me`lûm e

Me ji destê xwe yê kutah û ji payê xwe yê leng

Dilê yarê me nebû nerm-i bi sed ab-i girî

Eserê dê çi bikit ab-i bi sed qetre li seng

Sîne geh têt ko bi ker bit ew ji derbê muhbetê

Me ceger şubhetê barût e we dil maye pereng

Bi çi rengî me di dil xef bibitin gewhera `işq

`Aşiqan muhbet û mihra zeriyan kifş e ji reng

Kifş e mecmû` û perîşaniyê halê me di dil

Ji serê zulfa perîşan û ji biska te ye şeng

Ne tinê gezme dibarin me ji qewsê du hilal

Me ji mijganê siyeh têne ceger tîr û xedeng

Mislê wê qewsê hilalê ko du nûn reyhanî

Kê nişan dane ji şîraz û kê anîne ji Yeng

Her li dora hecerê-eswed hebeşan çerx û tewaf

Tên wuqûfa `erefatê bi sema nûbî û zeng

şef bi şef tirk û muxul doguş û hindî di kemîn

Bi `eceb hatine cengê hebeş û rom û fireng

Mîr û kirmanc li holan qederek westa ne

Lê di nêvê bi şef û tîp-i `ereb hatine ceng

Ji goher xunçe koşa`î digirit durcê `eqîq

Bi şeker xende zenî ger bigirît şekkerê teng

Were bêperde Mela vê xezelê bîne meqam

Herdema bêne sema def bi def û çeng-i bi çeng

• Artist:Melayê Cizîrî