Kaszëbsczi Himn [Polish translation]

Tam gdze Wisła òd Krakòwa

W pòlsczé mòrze płënie

Pòlskô wiara, pòlskô mòwa

Nigdë nie zadżinie.

Ref. Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

Më z Niemcama wieczi całé

Krwawé wiedlë wòjnë.

Wòlné piesnië wiedno brzmiałë

Bez górë i chòjnë.

Ref. Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

Przëszedł Krzëżôk w twardi blasze,

Pólëł wsë i miasta,

Za to jegò cepë nasze

Grzmôcëłô lôt dwasta.

Ref. Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

Nas zawòłôł do swi rotë

Pòlsczi król Jadżełło,

Téj w niemiecczich karkach gnôtë

Trzeszczałë jaż miło.

Ref. Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

Gdze król Kadzmiérz gnôł Krzëżôka?

Gnôł gò pòd Chònice!

Bë gò zgniotłë, jak robôka,

Kaszëbsczé kłonice.

Ref. Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

Czej rôz naju òkrãtama

Szwedë najechalë,

Më żesmë jich kapùzama

Z Pùcka wënëkalë.

Ref. Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

Krzëżã swiãtim przëżegnóné

Séc, seczera, kòsa,

Z tim Kaszëba w piekle stónie,

Diôbłu ùtrze nosa.

Ref. Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

Nasz Stanisłôw Kòstka swiãti,

Co sã ù nas rodzył,

Nie dopùscy, bë zawzãti

Wróg nóm długò szkòdzył.

Ref. Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

Płaczą matczi nad sënama

Płaczą dzys dzewice,

Hola, jesz je Bóg nad nama

Dôł cepë, kłonice.

Nigdë do zgùbë

Nie przińdą Kaszëbë,

Marsz, marsz, marsz za wrodżem!

Më trzimómë z Bòdżem.

• Artist:National Anthems & Patriotic Songs