Il venait d'avoir 18 ans [Venetan translation]

El gaveva soeo disdòto ani,

El gèra bèo come un putèo,

Forte come un omo.

Gèra l'età de sicuro

E go contà vardandoeo

I me autuni

Me go messo a posto i cavéi,

Un fià più de nero sui oci

Eo ga fato rider.

Quando che'l xe vegnesto vissin a mi

Gavarìa pagà chissà cossa

Par sedurlo

El gaveva soeo disdòto ani

Gèra el più bel argomento

Dea so vitoria.

No'l me gà parlà de amor

El pensava che 'e paròe de amor

Xe inutii.

El me ga dito: go vògia de ti"

El gaveva visto al cinema

Le Blé en herbe.

In mèxo a un lèto improvisà

Go trovà incantesimada

Un céo stupendo.

El gaveva soeo disdòto ani

El gèra quasi insoente

De sicuressa.

E fin che'l se coverxeva

Xa sfinìa, tornavo

A sentirme soea.

Gavarìa voesto tegnerlo

E invesse eo go eassà ndar via

Sensa fare un moto

El me ga dito: "gnente mal"

Col candor infernal

Dea so età.

Me go messo a posto i cavei

Un fià più de nero soi òci

Come sempre.

Gavevo soeo desmentegà

Che gavevo do volte disdòto ani.

• Artist:Dalida
• Album:Julien... (1973)