原乡 II [Goân-hiong II] lyrics

古早台灣無人知

海賊打開大舞台

紅毛仔鼻到美麗世界　

大船靠岸相招來

平埔青番無人管　

溫泉礦金無設限

漳泉鄉民唐山苦艱　

為求生存來討趁

各種族群相車拼　

甚人佔到甚人贏

荷蘭頂真安平起廳　

海墘仔貿易生理定

等到明朝落南來　

阿成海軍來開台

存亡定著無法安排　

復明意志傳後代

講甲明朝的時代　

移民過海有阻礙

先民冒著危險偷渡　

中途埋冤苦憐代

清朝當時來接管　

看做小小的台灣

衙門老爺污吏貪官　

一貴爽文來做亂

各鄉移民爭田土　

結拜換帖做伙顧

鬥來鬥去拼命怨妒　

死傷合葬同歸所

講甲光緒阿本仔反　

後來鴻章訂馬關

無情無義放撒台灣　

全民憤慨真怨嘆

接管初期鳥暗暝　

台灣仔踏入受難池

軍火防備冤魂來加添　

悲情霧社噍吧哖

蹧蹋刁難半世紀　

喊來搧去數百年

連迴的冤屈孤兒的身命　

拖磨著驚為甚麼

今嘛台灣人人知　

行入世界大舞台

講來不信美麗寶島　

前人的保庇想看覓

• Artist:Lo Da-Yu
• Album:原乡