Idillio 'e mmèrda lyrics

Nu juórno na cacata sulitaria,

mèza annascòsta dint' 'a nu sentiéro,

c'o sòle 'e luglio e c'o prufummo 'e ll'aria

s'annammuraie d'o strunzo 'e nu pumpiéro.

Essa era tónna, accòncia, piccerélla,

isso era niro, gruósso, frisco frisco;

essa era fatta a ffórma 'e cuppulélla,

isso rassumigliava a n'obelisco.

E, cu ll' intermediario 'e nu muscóne

na bèlla séra tutta prufumata,

'o strunzo avètte 'a dichiarazióne

d'ammóre d'a cacata nnammurata.

Isso era nato sótto mala stélla;

ca maje nisciuno l'avéva guardato ...

Vulètte bène a chélla cacatèlla

cchiù assaje d'o culo ca l'avéa cacato.

Ma stévano luntano; e sulo 'a luna,

e sulo 'e pprète e sulo 'e ffrasche vèrde

sapévano 'e turmiénte, a uno a uno,

'e chilli duje sperdute piézze 'e mmèrda.

E na matina, èrano vèrso ll'òtto,

nu cato d'acqua 'a còpp’a na fenèsta

facètte cómm’o libbro galeòtto

'e 'ònna Francésca e Paolo Malatèsta.

Benedicènno nziéme chélla sécchia,

s'astrignèttero fòrte. Erano sule:

éssa lle rialaje na pellécchia,

isso Ile rialaje dduje fasule.

Chiano, sciulianno dint'a ll'acqua 'alice,

cu nu curtèo 'e muschille int'o sentiéro,

sótto 'o sóle, 'a cacata 'e stiratrice

se mmaretaje c’o strunzo d’o pumpiéro.

E in viaggio 'e nòzze stètteno abbracciate

mmiéz'a dduje piézze 'e càntere scassate.

• Artist:Ferdinando Russo
• Album:Ci vediamo poco fa