Hinter di forhangen lyrics

Shtilkeyt, bays zikh op dayn shtume tsung un ver antshvign,

Lign iz dayn kinigraykh un du aleyn bist lign:

Ranglenish fun mentsh un tayvl heyst bay dir idilie,

Vemen s’iz a velt fargangen tsolstu op a lilie.

Ruik iz der yam, zayn otem shtayft di brust fun zegl,

Hinter tsiter-tsarter shalve - hayfish. Khaye. Negl.

S’lakht der toyznt-oygiker in shpigl fun a khvalie –

Shtilkeyt, vemen vilstu narn? Entfer, shtume lyalye.

Hinter dayne forhangen fun luft un bloy un eter

Shushken zikh di morgns vi shekspirishe farreter.

Zoln shrayen shotns oyf a shvartsn loshn. Zoln

Peygern di zingfeygl bay fentster fun shpitoln.

Veln mentshn zikh dervartn oyf dayn gnod, oyf besers?

Ofn iz mayn khavers layb, in layb marshirn mesers.

Vayse fayln kobre-sam iz in shpitol zayn moltsayt,

Nakhtik ayz fun fayer durkhgelekhert – zayn shpitoltsayt.

Shleyer zikh in zibn volkns, tunkl oder bliaske,

Zol atsind mayn shlaydershteyn tseshplitern dayn maske.

Vemen vilstu narn, iber vemes payn zikh klign?

Shtilkeyt, bays zikh op dayn shtume tsung un ver antshvign.

• Artist:Abraham Sutzkever