حكاية شعب [Hekayet Shaab] lyrics

:كورس

قولنا هنبني

وادي احنا بنينا السد العالي

يا استعمار بنيناه بايدينا السد العالي

من اموالنا بايد عمالنا

هي الكلمة وادي احنا بنينا

:عبد الحليم

!اخواني

:كورس

إيه؟

:عبد الحليم

تسمحولي بكلمة؟

:كورس

إيه؟

:عبد الحليم

الحكاية مش حكاية السد

حكاية الكفاح اللي ورا السد

حكايتنا احنا

حكاية شعب للزحف المقدس قام وثار

شعب زاحف خطوته تولع شرار

شعب كافح

وانكتب له الانتصار

تسمعوا الحكاية؟

:كورس

بس قولها من البداية

:عبد الحليم

هي حكاية حرب وتار

بينا وبين الاستعمار

فاكريين لما الشعب اتغرب

جوة في بلده

:كورس

اه فاكريين

:عبد الحليم

والمحتل الغامر ينعم فيها لوحدة

:كورس

مش ناسيين

:عبد الحليم

والمشانق للي رايح واللي جاي

ودم احرارنا اللي راحوا في دنشواي

:كورس

اه فاكرين

:عبد الحليم

من هنا كانت البداية

وابتدى الشعب الحكاية

كان كفاحنا بنار جراحنا

يكتبه دم الضحايا

:كورس

وانتصرنا وانتصرنا وانتصرنا

:عبد الحليم

انتصارنا يوم ما هب الجيش وثار

يوم ما اشعلناها ثورة

نور ونار

يوم ما اخرجنا الفساد

يوم ما حررنا البلاد

يوم ما حققنا الجلاء

:كورس

وانتصرنا وانتصرنا وانتصرنا

:عبد الحليم

رجعت الارض الحبيبة الطيبة

لايدين صحابها

التقينا العز فيها

والكنوز تايهة في ترابها

قولنا نلحق نبني مستقبلها

ونرجع شبابها

:كورس

نعمل ايه؟

:عبد الحليم

كان طبيعي نبص للنيل

اللي أرواحنا في ايديه

مايته في البحر ضايعة

والصحارى فى شوق اليه

قلنا نبني سد عالي

سد عالي ... سد عالي

بس الاستعمار صعب حالنا عليه

ليه نرجّع مجدنا ونعيده ليه

:كورس

يعمل ايه؟

:عبد الحليم

راح على البنك اللي بيساعد ويدي

قاله حاسب

قالنا ملكمش عندي

:كورس

قلنا ايه؟

:عبد الحليم

كانت الصرخة القوية

في الميدان في اسكندرية

صرخة اطلقها جمال

واحنا امنا القنال

:كورس

احنا أممنا القنال

احنا أممنا القنال

:عبد الحليم

ضربة كانت من معلم

:كورس

خلي الاستعمار يسلم

:عبد الحليم

والحصار الاقتصادي

:كورس

برضه ماذلتش بلادي

:عبد الحليم

جاب سلاحه وطيارته

غوصاته دباباته

واعتدى علشان نسلم

:كورس

هو مين؟ لا ده بعده

هو اللي أتلقى وعده

:عبد الحليم

كنا نار اكلت جيوشهم

نار تقول هل من مزيد؟

وانتصرنا ولسه عارهم

ذكرى فى تراب بورسعيد

والعروبة في كل دار

وقفت معانا

والشعوب الحرة

جت عاللي عدانا

:كورس

وانتصرنا وانتصرنا وانتصرنا

:عبد الحليم

أدي حكاية الشعب

شعب للزحف المقدس قام وثار

شعب زاحف خطوته تولع شرار

شعب حقق له جمال الانتصار

:كورس

وانتصرنا وانتصرنا وانتصرنا

• Artist:Abdel Halim Hafez