هتقول لربنا إيه [Hatoul Lrabena Eh] lyrics

هتقول لربنا إيه لما تقف يوم بين إيديه

فكر شوية في السؤال ده قبل ما تجاوب عليه

هتقول خنتها علشان كانت على نياتها

هتقول مافيهاش حاجه إن أنا دمرت حياتها

هتقوله يا رب أصلها تستاهل نهايتها

علشان حبيتني و وثقت فيا و هاعمل إيه

هتقول من كتر ما ضحيتلي مليت منها

وعملت أنا كده علشان مابعدش في يوم عنها

هتقوله بسيطة ومحسيتش إني بخونها

موضوع مش مستاهل أصلاً أتكلم فيه

هتقول كانت بتغير وبحبها خانقاني

و بغير جو عشان لما ارجعلها تاني

يتجدد شوقي وأحس إنها كده واحشاني

كل اللي عملته عملته علشانا إحنا اللي اتنين

هتقول إنك مانتاش ندمان ومعاك عذرك

وهتقدر يومها تدافع عن وجهة نظرك

صدقني يوميها مفيش غيرك هايشيل وزرك

وريني ساعتها انت هاتعرف تكدب على مين

• Artist:Angham
• Album:Hala Khasa Gedan (حالة خاصة جداً)