Gusan Ashot - Սուրբ մայրեր [Surb mayrer]

Անկարող եմ մոր թախիծը տանել լուռ,

Հուզմունքներն ու խոր կսկիծը տանել լուռ,

Նրա սրտի հևքն ու կանչը տանել լուռ:

Ով սուրբ մայրեր ձեր վիշտն առնեմ տանեմ ո՞ւր,

Մորմոքներն ու հոգսերն առնեմ տանեմ ո՞ւր,

Կարոտներն ու խոհերն առնեմ տանեմ ո՞ւր,

Տանեմ լուռ,

Վառվեմ լուռ,

Հալվեմ լուռ:

Մոր ապտակը հեզ համբույր է ինձ եղել,

Մոր զայրույթը հույս խրատ է ինձ եղել,

Նզովքն անգամ սուրբ օրհնանք է ինձ եղել:

Երբ երազում տեսնում եմ իմ սուրբ մորը,

Տանս շեմին վարդ է բացվում այդ օրը,

Տաղ են բերում հոգուս սոխակն ու լորը:

Աշոտն ասաց, սրբի դուռ է իմ մայրը,

Ջերմացնող կրակ, հուր է իմ մայրը,

Հայրենի տուն, զանգ, մատուռ է իմ մայրը:

Ով սուրբ մայրեր ձեր վիշտն առնեմ տանեմ ո՞ւր,

Մորմոքներն ու հոգսերն առնեմ տանեմ ո՞ւր,

Կարոտներն ու խոհերն առնեմ տանեմ ո՞ւր,

Տանեմ լուռ,

Վառվեմ լուռ,

Հալվեմ լուռ:

• Artist:Gusan Ashot