Fitica sh-câtsita lyrics

Lea câtsită,

Lea lâită,

Cumu nu-avushi niheam’ di fricâ,

Di-ts inshishi tu livâdicâ?

Nica-i iarnâ, lea mârată,

Sh-vâ’ furtunâ va s-ti batâ!

Feată ñicâ,

Mushuticâ,

Io nu-amu fricâ di iarnâ-arauâ,

Di furtunâ shi di neauâ;

Câ a ñia Tatâl-Mari

Ñi-ari datâ dimândari

S-yinu, s-vâ spunu

Bunâ hâbari:

Câ primveara

Vini iara,

Primuveara cu ghinetsli

Shi cu tuti mushutetsli,

Di tuts multu ashtiptatâ,

Câ sh-easti ca tini mshatâ.

• Artist:Mihali Prefti