انت أول انسان [Enta Awwal Insan] lyrics

حسين

انت أول انسان أعشقه في حياتي

والحين تبغي الصدق

ما عدت الأول

عشقت غيرك

وانمحت ذكرياتي

مع دمعي

اللي يوم هاجرت حول

يارا

ماهو مهم اكون أول والا ثاني

أهم شي أكون شي فحياتك

إن كان قلبك يا حبيبي نساني

أرجوك لا تنساني بذكرياتك

حسين

طول في هجرانك علي

لا تحاتي

ما عاد يعنيني لو الهجر طول

أغني فراقك

بصوت الآهاتي

والقلب من زود الوناسة يمول

يارا

أخاف اطول في الهجر فامتحاني

ما اقدر اطول فالهجر من غلاتك

دامك تبي فلحن بعض الأغاني

بعطيك آهاتي غنها مع آهاتك

حسين

العام تصبح فالخفوق وتباتي

واليوم معلن فيه حظر التجول

أنا اعرفك حالي وسكر نباتي

حالي ومن زينك أهلك تهول

يارا

العام حبك بين عوج المحاني

ما زال ثابت وانت تعرف غلاتك

وأنا اعرفك انسان ما انت باناني

لأن الأنانيه ما هي من صفاتك

حسين

لكن لو كنت أجمل الفاتنات

لحبك أنا مستحيل أتسول

هذاك أول يوم كنت فحياتي

والحين جا غيرك ولا عدت الأول

يارا

وانت بعد لو كنت فارس زماني

تجبرني العزة أسوي سواتك

مافي لا أول ولا في ثاني

غصبن عليك أنا الوحيدة فحياتك

• Artist:Hussein Al Jasmi