Diu minne lât sich nennen dâ lyrics

Diu minne lât sich nennen dâ

dar sî doch niemer komen wil

si ist den tôren in dem munde zam

und in dem herzen wilde

nû hüetet ir iuch reinen wîp

vor kinden bergent iuwer jâ

sône wirt ez niht ein kindes spil

minne und kintkeit sint ein ander gram

vil dicke in schoenem bilde

siht man leider valschen lîp

ir sult ê spehen war umbe wie wenne unde wâ rehte

unde weme

ir iuwer minneklîchez jâ sô teilet mite daz ez gezeme

sich minne sich swer alsô spehe der sî dîn kint

sô man sô wîp die andern dû vertrîp.

• Artist:Walther von der Vogelweide