دە بێرۆ [De bêro] lyrics

هەی لۆ لۆ لۆ لێ لێیە

شاییە و یارمی لێیە

مەهێڵن بڕواتەوە

دەرمانی دڵمی پێیە

چاوم بڕیوەتە تۆ

تۆش بە ئاسانی مەڕۆ

با شاییەکە تەواو بێ

کوشتمی چاو و برۆ

وا ئێوارە درەنگە

یارم هەروا بێدەنگە

شایی یارمی تییا نەبێ

چۆڵ و سارد و بێ ڕەنگە

هەر ئەو هاوار هاوارە

شاییە ئا لەم هەوارە

هیچ کەس سەرچۆپی نەگرێ

یارم هاتەوە ئەم جارە

دەڵێی بەگزادەی جافە

باڵا و بەژنەکەی زراڤە

سەرچۆپی لەخۆی جوانە

دەست و دڵ دڵپاک و سافە

هەی گەرەکمە گەرەکمە هەر یار خۆمم گەرەکە

با سەد جار قوربانی بێ سەرتەپای ئەی گەڕەکە

پێت ئێژم بێوە ڕێوە بۆت باسکەم وە دەو ڕێوە

چیم وەسەرهات عەزیزم چەند زام و زەخمم پێوە

دەبێرۆ دەبێرۆ بێرۆ ئیتر مەچۆرۆ

گەر خراوبی مانبۆت ئیتر بڕۆ مەیەرۆ

مەیەرۆ مەیەرۆ ئیتر بڕۆ مەیەرۆ

جیران و هەمسەنگ گێژن

هەرچی ئێژن با بێژن

نازانن من شێتی تۆم

خەمی دڵیان ئەڕێژن

با بێژن با بێژن

هەرچی ئێژن با بێژن

لە خزم و عێل و عەشرەت

وەبیلا گشتیان گێژن

لایەک کەرە وەم لاوە

دڵەکەم بۆ تۆ سوتیاوە

لەخۆم شەیدا تر کوانێ

وەسەر عەرزی خوداوە

ڕاوەستیام وە حەسارۆ

حەسار وە بان دیوارۆ

شەو و ڕۆژ دوعا دەکەم

خوایە بکەومە خوارۆ

قەینا هیچم لێ نایێ

ئەکەومە باوەش یارۆ

• Artist:Chopy Fatah