دارت [Daret]

واقفة هي و ولدها فطريقي

دايز بطوموبيل، شافت فيا، حدرت عينيا و بعدت طريقي

مدات ايديها لجيهتي، شفت فيها و قلت ليها الله يسهل أميمتي

شحال ساهل تقول الله يسهل ملي يكون ربي مسهل عليك

كتشوف فيهم ناقص و كتقول حكمو عليك

يمكن حيت لاباس

و يمكن حيت نخلتيهم

و يمكن حيت حكمات الساعة عليهم

و بغاوك تحن عليهم

دوزت پروميان فالضو لحمر و ما بقيتش شفت فيها

غا مرا شارفة كتعاود شي واحد اخر غا يحن عليها

عفطة وحدة للدار، الموسيقى بالجهد

لمرا دغيا طارت من البال و ما بقا عندي ليها جهد

القرعة دات لي الجهد لي كان عندي فالبواط

2000 درهم على الشمايت و ال*حاب و فودني 1000 واط

كملت النهار متمن ما عارف لي جاري ليا

تما الخدمة صبرو و عيا فلخر جراو عليا

مشات ايام

و جات ايام

اااااه حتى شي ما يدوم

لا زين لا صحة ولا مال

و قلبك كي فات و كيصبح اليام

طالبين، طالبيين السلامة

طالبيين، اييه

خارج من الخدمة مشربن، كلشي تشفى فيا

(اييه عمو جراو عليك)

ايدك فيه بقا تشوف فيا

احسن خدمة غادي ندخل ليها بمليون لشهر

دبلوم فالاخوين لا مبغاوش نعطيهم بالظهر

مابغيتش الخدمة بالساهل ولا الخدمة بالسميگ

خوك باغي الصرف حرام حلال بلا مريگ

3000 درهم للشهر! بلا بسالة

نسيت بلي الصرف فالكونط ديالي قريب يتسالا

شهرين من بعد، لقيت راسي لا ما لا ضو

لا فون لا انترنت و الشوماج عندي كيضور

عيت ما نهرب و نقول باقي نلقا خدمة

غير ندوز باش ما كان و نعدي من هنا لتما

نمشي لدار... علاش

العايلة... او بلاش

و الجيران... لاش

امكن نموت... و علاش

بعت اخر حاجة نكساب، الدار اللي هي تاج

فديك الساعة نعرف اول مرة انولي محتاج

مشات ايام

و جات ايام

اااااه حتى شي ما يدوم

لا زين لا صحة ولا مال

و قلبك كي فات و كيصبح اليام

طالبين، طالبيين السلامة

طالبيين، اييه

من الڤيلا خرجت للزنقة.. حشمان نطلب

نهار اللول، التاني، التالت الجوع ولا فيا كيعطب

مديت ايديا لكاع لي بحالي بحالهم

شي وحدين قراو معايا لبارح و اليوم قلبو وجههم

وقفت فالضو الحمر الشتا خيط من السما

الطوموبيل لي تادوز ما كتعطيني حتى قيمة باش نفطر

كاع لي شافو فيا هزو عينيهم للسما

دبلوم لكادر ما نفعني بوالو اليوم ضد القدر

شتا باقا كتصب وانا شاد الركنة

الگارو لي عمري كميتو ولا حدايا مركن

ريحت الموت ولات فيا اليوم شادا السكنى

نطلب الله امتا القبر يجمعني من هاد الذل

گالس جيعان بحال المجحوم كنتسنى غير الموت

لقيت يد مادا ليا طرف الخبز گاع ما معول

هزيت عينيا بالدموع نشوف شكون

لقيتها المرا لي ما تسوقتش ليها النهار اللول

مشات ايام

و جات ايام

اااااه حتى شي ما يدوم

لا زين لا صحة ولا مال

و قلبك كي فات و كيصبح اليام

طالبين، طالبيين السلامة

طالبيين، اييه

• Artist:DON BIGG