بابە [Baba] lyrics

بابە

تاسەی دەرون بۆ بینینت پەرۆش بوو

ئارامی دڵ لە ناو یادا ونوو خا مۆش بوو

چاوەروانی زیاتر توێنێتی بۆ هێنام

بزەی خۆشی لێم تۆرابوو نە هاتە لام

لەو ڕۆژەوە کە تۆ چەکت کردبووە شانت

چەکی تۆڵە رێی سەربەزی بۆ کوردوستانت

لەوکاتەوە ئیتر منیش بڕام لە گەشە

ئەوگەشەیەی کە باوکێتی وا لە باوەشە

بەڵام بابە

ئەم زانی بۆ چی وێڵی پێوانیت

لە بەر چیا ئاوەرەی خۆشی ژیانیت

ئێستەش بیرمە ئەو شەوانەی کە دا ئەنیشتین

هەتا درەنگ وەنەوز چاوی لە خەو ئەکردین

پێت ئەوتین من خولقاوم بۆ کوردوستانم

شانازیە لەو ڕییەدا بەختی کەم گیانم

لە بیرمانە کە ڕوی دەمت لە دایکم ئەکرد

کە پێت ئەوت من مناڵم گۆشەکەمت بۆ کورد

هەر ئەوساکە من ئەم زانی کەوا کوردوستان

لە ناو گیانتا لە ناو بیرتا ئەژی تا نەمان

بابە

ڕۆشتی کاتێک ماڵ ئاوایت کرد لێمان

هەرگیز یادی ئا ئەو شەوە نا چێت لە بیرمان

جار جار نامەو تاریکای لا ئەلا لە دڵ

خەمی دەرون ئەتوایەوە بۆ بە هاری گوڵ

شنەی وشەی نامەکانت فێنکای هیوای

ئەیا بە گیان کە لەو دورەوە ئەدوای

نامەو بڕا دیسانەوە پایزی بە خەم

ڕوی کردەوە ئاسمانەکەی خێزانی ماتم

بەبێ ئارام کەوتینەوە دەریای دڵ تەنگی

هەزار پرسیار لە شوێن ئەنجام بۆ تۆ ئەجەنگی

هەواڵەکان پەڕەی ژاکاو سیس و وەریبوو

مەلی خۆزگەی بەستە خوێنی لەسەر تەریب بوو

بەڵام دوا جار بە هەواڵی ئەنجام گەیشتین

ئەو هەواڵەی کە فرمێسکی گەلێ پێ ڕشتین

بابە

تاسەو سۆزی گەرم و گوڕی جارانت

ئەوەی مابێ یادگارا وەک نامەکانت

سەرنجیا لە رابوردو مایەی ژیانمە

بیرەوەری تروسکای ئیستەی گیانمە

خەیاڵی تۆ هەتا کو بێ زۆرتر ئەم دوێنێ

بەو داخەوە بەو یادەوە شەوان ئەم نوێنێ

بەڵم بابە

هەرچەن ناسۆر وە ها ناخۆش بێ

کە شەو و ڕۆژ ئەم ئازارەی ئێمەی لە کۆش بێ

بەڵام چونکە مردنەکەو جێی شانازیە

بۆ ئەم خاکە بۆ کوردوستان بۆ سەر بەرزیە

بویی بە مۆمیک کە بسوتێیت بۆ ڕێی چارەنوس

بۆ ئەڕێیەی کە کاروانی شەبەقی ئاوات

مژدەی ڕۆژی سەرفرازی بەم کوردە بات

مادام خوێنت ڕژایە سەر سەنگەری ناموس

بوی بە مۆمێک کە بسوتیت بۆ ڕێی چارەنوس

بۆ ئەڕێیەی کە کاروانی شەبەقی ئاوات

مژدەی ڕۆژی سەرفرازی بەم کوردە بات

مادام مردی بۆ ئەوەی کورد بژی سەربەرزبێ

کوردوستانی یەکگرتووبێت نەک ژێر دەست بێ

شانازیمە کە تۆ باوکمی شەهیدی کوردی

بۆ باوەری کوردایەتی بە مەردی مردی

بابە بابە

هەرچەن کوردوستانم وەها زەلیل بێ

بە چوار قەفی کۆتو زنجیر کۆیلەو دیل بێ

هەرچەن ژیان وا شەوە زەنگ تاریک و ڕەش بێ

لە پرشنگی خۆری ڕووناک وەها بێ بەش بێ

هەرچەن شەوی نەسرەوتنم دوروو درێژ بێ

هەورازی خەم زۆر لە ئێستەم سەخترو لێژ بێ

بەڵام مادەم لاوی کوردی ئەم کوردوستانە

قاڵبوی بیری کوردایەتی تفەنگ لە شانە

ڕاپەریوە یەکگرتووە یان لەسەر دەستە

جەنگاوەرە دڵ نەترسە خاوەنی هەستە

• Artist:Rafiq Chalak