Azbuchna molitva lyrics

Азъ словомъ симъ молю сѧ Богу

Боже всеѣ твари и зиждителю

Видимъіимъ и невидимъіимъ

Господа Духа посъли живущааго

Да въдъхнетъ въ срьдьце ми слово

Ѥже будеть на успѣхъ вьсѣмъ

Живущиимъ въ заповѣдьхъ ти

Дзѣло бо ѥстъ свѣтильникъ жизни

Законъ твои и свѣтъ стъзамъ

Иже ищеть евангельска слова

И просить даръі твоѣ приѣти

Летитъ бо нъінѣ и Словѣньско племѧ

Къ крьщению обратиша сѧ вьси

Людиѥ твои нарещи сѧ хотѧще

Милости твоѥѣ Боже просѧть дзѣло

Нъ мънѣ нъінѣ пространо слово даждь

Отьче Съіне и прѣсвѧтъіи Душе,

Просѧщууму помощи Ѿт тебе

Руцѣ бо свои горѣ въздѣю присно

Силу приѣти и мудрость у тебе

Тъі бо даѥши достоиномъ силу

Упостась же вьсѧкую цѣлиши

Фараоша мѧ зълобъі избави

Херовьску ми мъіслъ и умъ даждъ

О чьстьнаѣ прѣсвѧтаѣ Троице

Печалъ мою на радость прѣложи

Цѣломудрьно да начьну пьсати

Чюдеса твоѣ прѣдивьнаѣ дзѣло

Шестькрилатъ силу въсприимъ

Шьствую нъінѣ по слѣду учителю

Имени ѥю и дѣлу послѣдуѣ

Явѣ сътворю еваньгельско слово

Хвалу въздаѣ Троици въ божьствѣ

Юже поѥтъ вьсѧкъи въздрасъ

Юнъ и старъ своимъ разумомъ

Язъікъ новь хвалу въздаѣ присно

Отъцу Съіну и Прѣсвѧтууму Духу

Ѥму же чьсть и дръжава и слава

Отъ всеа твари и дъіханиѣ

Въ всѧ вѣкъі и на вѣкъі

Аминъ

• Artist:Christian Hymns & Songs